स्वीट खसखस कुकीज

साहित्य : 1 कप मैदा, 1 कप रवा, 1 कप खसखस, 1 कप लोणी, 1 लहान चमचा बेकिंग पावडर, 1 लहान चमचा साखर, आवश्यकतेनुसार दूध, रंग बेरंग्या गोळ्या किंवा शोपचे दाणे.

कृती : रवा व मैदा चाळून घ्यावा. त्यात खसखस वाटून त्यात मिसळावी. लोणी, साखर आणि बेकिंग पावडर त्यात टाकावी. दूध गरम करून या मिश्रणात घालून एकजीव करावे. काही वेळ ते मिश्रण झाकून ठेवावे. नंतर या मिश्रणाला एका आकारात लाटून त्याचे काप करावे. ट्रेमध्ये थोडं तूप लावून कुकीजला बेक करून घ्यावे. शोप किंवा रंग बेरंग्या गोळ्या घालून सर्व्ह करावे.