रंगीबेरंगी आइसक्रीम

साहित्य : 2 लीटर दूध, 1/2 साखर, 4 मोठे चमचे कस्टर्ड पावडर, 2 मोठे चमचे कोको पावडर, 2 कप गाजर रस. कृती : एका भांड्यात दुधाला उकळत ठेवावे. त्यात साखर टाकून 10 मिनिट अजून उकळावे. नंतर दुधाला खाली उतरवून 3 भागात वेग वेगळे करावे. पहिल्या भागात कस्टर्ड पावडर मिसळून फ्रीजमध्ये ठेवावे. अर्धा तासानंतर ते थोडं जमण्यात येईल तेव्हा, दुसऱ्या भागात गाजराचा रस मिसळून ते मिश्रण कस्टर्डच्या वर घालून परत जमण्यासाठी फ्रीजमध्ये ठेवावे. अर्धा तासानंतर ते मिश्रण बाहेर काढून ठेवावे, उरलेल्या भागात कोको पावडर टाकून ते मिश्रणावर टाकावे आणि सेट होण्यासाठी फ्रीजमध्ये ठेवावे. जेव्हा आइसक्रीम पूर्णपणे जमेल तेव्हा बाहेर काढून त्याचे चौकोनी काप करून रंगीबेरंगी आइसक्रीम सर्व्ह करा.

नेवेद्याचे गोड पदार्थ

खजुराचे लाडू 


साहित्यः
अर्धा किलो सिडलेस खजुर किंवा आख्या खजुराच्या बिया काढून
दिड ते दोन वाट्या सुक्या खोबर्‍याचा किस.
५० ग्रॅम बदाम
२ छोटे चमचे खसखस
३ चमचे तुप

पाककृती:
खजुराचे छोटे छोटे तुकडे करुन घ्या.
बदाम कापुन घ्या. खसखस निवडून घ्या.
खोबर्‍याचा किस मंद गॅसवर खरपुस भाजुन घ्या.
आता भांड्यात तुप घालुन ते गरम झाले की खसखस घाला. मग त्यावर बाकिचे सगळे साहित्य म्हणजे खजुर, बदाम आणि भाजलेल खोबर घाला.
आता हे सगळ मिश्रण ५ ते ७ मिनिटे म्हणजे चांगले गरम होईपर्यंत मिडीयम गॅसवर ठेवा. जास्त शिजवण्याची गरज नाही.
भांडे खाली उतरवा व लाडू वळा. झाले लगेच तय्यार पौष्टीक, लज्जतदार, सोप्पे खजुराचे लाडू.

अधिक टिपा:
ह्याच साहित्याच्या खजुराच्या वड्या व रोलही करु शकता.
हे लाडू करायला अगदी सोप्पे असतात. थंड गरम कसेही वळता येतात. खजुराच्या मऊपणामुळे ते पटकन वळतात.
तुम्हाला आवडतील ते ड्रायफ्रुट्स तुम्ही टाकु शकता.


===========================

तांदूळ  लाडू 

गुळ
वेलची, जायफळ पुड
ड्राय फ्रुट्स आवडीनुसार
तुप
मिठ
थोड सुक खोबर किसुन भाजुन

डिटेल प्रमाण पाककृतीत देत आहे.
पाककृती:
साधारण १ किलो किंवा आपल्या गरजेनुसार तांदुळ घेउन ते रात्री धुवुन पाणी व थोडे मिठ घालुन भिजत घाला.

सकाळी हे तांदुळ निथळवा.
आता लगेच निथळवलेले तांदुळ भांड्यात मिडीयम गॅसवर खरपुस तांबुस रंग येईपर्यंत परतवा. करपु देउ नका.
तांदुळ जर जास्त प्रमाणात असतील तर गिरणीत चरट दळून आणा. जर कमी असतील तर मिक्सरमध्येच पिठ करा. मिक्सरमध्ये एकदम पिठ होत नाही जरा रवाळच राहत.

आता थोडे पिठ बाजुला काढुन ठेवा. हे चहात टाकुन किंवा दुधात साखर घालुन फुगवुन खायला छान लागत. लहान मुलांना फेव्हरेट व पौष्टिक होउन जात. त्याचा खमंग वासच एक प्रकारची चव आणते.
आता हवे तेवढ हे पिठ एका भांड्यात घ्या.
जेवढ पिठ घेतल असेल त्याच्या अर्धा गुळ सुरीने बारीक चिरुन घ्या. सुक खोबर कुस्करुन घ्या. थोडी वेलची व जायफळ पुड घ्या. पिठाच्या पाव पट तुप वितळवुन घ्या.

आता सगळे जिन्नस एकत्र करुन गुळाच्या गुठळ्या हातावर मोडा. (हेच मिश्रण मोठ्या खलबत्यात कुटून कुटुनही केले जाते. त्याची एक वेगळीच चव येते.)

सगळे मिश्रण व्यवस्थित मिक्स करुन लाडू वळायला घ्या. जर लाडू वळायला त्रास होत असेल तर अजुन थोडे तुप मिसळा व लाडू वळा.

तयार आहेत खमंग कुरमुर्‍याचे उर्फ कुट्याचे उर्फ तांदळाचे लाडू.

अधिक टिपा:
पुर्वी हे लाडूचे मिश्रण खलबत्त्यात कुटून कुटुन केले जात म्हणून त्याला कुट्याचे लाडू म्हणत.
ओले तांदूळ भाजुन घेतल्यावर ते मस्त कुडकुडीत होतात. तेच नुसते खाल्ले जातात.
पिठी साखर घालुनही हे करता येतात.

=======================

 ओल्या नारळाच्या करंज्या

 
साहित्य :
पुरणः
१ ओला नारळ खरवडून
पाव किलो गुळ
खसखस
चारोळी/काजु/आक्रोड/मनुका
वेलची/केसर
तुप
पारी:
गव्हाचे पिठ अर्धा किलो
१ चमचा रवा
चिमुटभर साखर
मिठ
तेल
पहिला गव्हाच्या पिठात मिठ, रवा, साखर टाकुन घ्या मग मिसळून २ चमचे तेलाचे मोहन (एका भांड्यात तेल तापवुन ते पिठावर ओता) टाका. आता थोडे थोडे पाणी टाकत पिठ घट्ट मळा. इतके घट्ट मळायचे की बोट पिठात सहज आत गेले नाही पाहीजे.

आता हे पिठ साधारण १ तास झाकुन ठेवा.
करंजीच्या आतल्या चवीसाठी (पुरणासाठी):
तापलेल्या भांड्यात तुप टाकुन खसखस घाला. आता त्यावर गुळ घाला व मंद गॅसवर वितळू द्या.
गुळवितळला की लगेच खोबर व चारोळी/काजु/आक्रोड/मनुका/बदाम पैकी काही आवडत असेल ते घाला किंवा जे घरात असेल ते थोडे थोडे घाला. थोडा वेळ परतुन गॅस बंद करा.

कढई गॅसवर ठेउन त्यात करंजी तळण्यासाठी लागणारे तेल गरम करत ठेवा. तेल चांगले कढू द्या.
पुरी करण्यासाठी लागतो तेवढा गोळा घ्या.
त्याची पोळीपाटावर पुरी एवढी चपाती लाटा.
त्या चपातीवर चमचा भरुन खोबर्‍याची चव मधोमध ठेवा.
आता चपातीचे एक टोक उचलून दुसर्‍या टोकाला मिटून पुरणाच्या कडेच्या बाजुला हाताने दाबा.
मस्त धारदार काचणीने करंजीची डिझाईन कापा.
कडेचा बाहेरचा भाग काढून एका पेपरवर झालेल्या करंज्या ठेवत चला.
पिठाचा लहानसा राई एवढा गोळा करुन तेलात टाकुन पहा तेल कढलय का ते. जर गोळा लगेच तरंगला तर तेल कढलय समजा. चिकटून राहीला तर अजुन तापू द्या.
तेल चांगले तापले की त्यात करंज्या तळण्यासाठी सोडा.
गॅस मिडीयम किंवा मंद ठेउन तिन-चार मिनीटांनी करंज्या पलटा.
करंज्यांना गोल्डन, लालसर रंग आला की झार्‍यात घेउन तेल निथळवा.
आता एका ताटात त्या काढून घ्या.
मोठ्या परातीत किंवा थाळ्यात वर्तमान पत्र टाकुन त्या त्याच्यावर ठेवा म्हणजे वर्तमान पत्रात अतिरिक्त तेल शोषल जाईल.
झाल्या ओल्या नारळाच्या करंज्या तयार.
ह्याच करंज्या पुरणात साखर घालून व मैद्याच्या पिठाची पारी करुनही करतात. पण मैदा, तुप, साखर हानिकारक असल्याने आम्ही वरीलप्रमाणे करतो.
=========================

मोदक

साहित्य
तांदळाचे पिठ
मिठ

१ ओला नारळ खरवडून
गुळ
खसखस
चारोळी/काजु/आक्रोड/मनुका
वेलची/केसर
तुप
पाककृती
तापलेल्या भांड्यात तुप टाकुन खसखस घाला. आता त्यावर गुळ घाला व मंद गॅसवर वितळू द्या.
गुळवितळला की लगेच खोबर व चारोळी/काजु/आक्रोड/मनुका/बदाम पैकी काही आवडत असेल ते घाला किंवा जे घरात असेल ते थोडे थोडे घाला.
थोडा वेळ परतुन गॅस बंद करा.
आता १ ते दिड ग्लास पाणी घेउन त्यात मिठ टाकुन गरम करण्यासाठी ठेवा. आता पाणी उकळायच्या आधी जे भांड्याच्या तळातुन बुडबुडे यायला लागतात तेंव्हा तांदळाचे पिठ अंदाजे टाकत ढवळा व लगेच गॅस बंद करा म्हणजे मोदक वातड होत नाहीत. जास्त पिठ टाकु नका. पिठ ओलसर राहील एवढेच टाका.
पिठ परातीत काढा व थोडे थंड झाले की पाण्याने मळायला घ्या. जास्त पाणी लावु नका. हलकेच हात भिजेल एवढेच घेत रहा व चांगले मळून घ्या.
आता मोदक करायला घेताना परत थोडे पिठ जरा मळा व लिंबाएवढा गोळा घेउन त्याची पातळ वाटी करा.
वाटीत तळाला नारळाचे सारण भरा. आता वाटीच्या बाहेरच्या बाजुला दुमडत कमी अंतरावर कळ्या करा. मग वाटीच्या वरच्या भागाच्या कळ्यांना हलके आतल्या बाजुला गोल गोल फिरवत वरच्या दिशेने जुळवा. टोकाची शेंडी टोकदार करा.
आता हे मोदक २० ते ३० मिनिटे मोदक पात्रात वाफवुन घ्या.


 टिप :
उकळवणी घेताना काही जणं पाण्याबरोबर दुध किंवा तेलही घालतात.
वाटी वळताना काही जणं ती पातळ होण्यासाठी हाताला तेल लावतात. मी नेहमी पाणीच वापरते.
मोदकाच्या सारणात आक्रोड जास्त चांगला लागतो हा माझा अनुभव आहे.
साखरचौतीच्या गणपतीला नारळाच्या सारणात गुळाऐवजी साखर घालतात.

चायनाग्रास पुडिंग

साहित्य: 2 चमचे बारीक चिरलेले चायनग्रास, 3 कप दूध, 3 चमचे साखर, 50 ग्रॅम कस्टर्ड पावडर, अर्धा चमचा व्हॅनिला इसेन्स, 1 सफरचंद, 3 केळी, 7-8 काजू, 3-4 अक्रोड व लाल रंगाचा 2 चमचा जॅम.

कृती : चायना ग्रास 2 तास पाण्यात भिजत घालावे. नंतर थोड्या गरम दुधात घालून विरघळवून घ्यावे. थोड्या दुधात कस्टर्ड पावडर घालून मिश्रण सारखे करावे. उरलेले दूध व साखर एकत्र करून गॅसवर ठेवावे. साखर विरघळली की त्यात चायनाग्रासचे मिश्रण घालावे. मोठ्या चमच्याने मिश्रण ढवळावे. चांगले उकळले की त्यात कस्टर्ड पावडरचे दूध घालावे. व्हॅनिला इसेन्स घालावा. सतत ढवळत राहावे. मिश्रण घट्टसर झाले की उतरवावे. भांड्यात काढून फ्रीजमध्ये ठेवून थंडगार करावे. जॅममध्ये 1 चमचा पाणी घालून गरम करावे. केळ्याचे काप करावे. पुडिंगच्या वर पसरावे. अक्रोडाची व काजूची जाडसर पूड करावे. प्रत्येकाच्या बाऊलमध्ये पुडिंग सर्व्ह करताना त्यावर अक्रोड काजूची पूड घालून द्यावे.

स्वीट खसखस कुकीज

साहित्य : 1 कप मैदा, 1 कप रवा, 1 कप खसखस, 1 कप लोणी, 1 लहान चमचा बेकिंग पावडर, 1 लहान चमचा साखर, आवश्यकतेनुसार दूध, रंग बेरंग्या गोळ्या किंवा शोपचे दाणे.

कृती : रवा व मैदा चाळून घ्यावा. त्यात खसखस वाटून त्यात मिसळावी. लोणी, साखर आणि बेकिंग पावडर त्यात टाकावी. दूध गरम करून या मिश्रणात घालून एकजीव करावे. काही वेळ ते मिश्रण झाकून ठेवावे. नंतर या मिश्रणाला एका आकारात लाटून त्याचे काप करावे. ट्रेमध्ये थोडं तूप लावून कुकीजला बेक करून घ्यावे. शोप किंवा रंग बेरंग्या गोळ्या घालून सर्व्ह करावे.

शाही ब्रेड स्टिक्स

साहित्य : ब्रेड स्लाइस अंदाजे, 3-4 बटाटे, 1/4 कप पालक चिरलेला, 1 गाजराचा कीस, 1 चमचा आलं-लसूण पेस्ट, 1 चमचा बारीक चिरलेल्या हिरव्या मिरच्या, 1 कांदा चिरलेला, 1 चमचा सोया सॉस, चिमूटभर अजीनोमोटो, काजूचे काप, 10-12 मनुका, 2 चमचे तेल, मैदा, मीठ आणि आवरणासाठी तेल.

कृती : ब्रेडला सोडून सर्व साहित्य एकजीव करावे आणि ब्रेडच्या प्रत्येक स्लाइसवर लावावे. चाकूने स्लाइसला लांब कापावे. मैद्याचा घोळ तयार करून ब्रेडच्या त्या भागावर लावावे जिथे हे मिश्रण लावले आहे. कढईत तेल गरम करून तळून घ्यावे. गरम गरम चहा किंवा चटणी, सॉस सोबत सर्व्ह करावे.

सफरचंदाचा हलवा

साहित्य - ४ सफरचंदे, २०० ग्रॅम खवा, १५० ग्रॅम साखर, ३ चमचे तूप, ७-८ वेलची, २५ ग्रॅम बदाम, पिस्ते, चारोळी.

कृती - सफरचंदाची साले व बिया काढून घ्याव्या व स्टीलच्या किसणीने किसून घ्यावी. साखरेत थोडे पाणी घालून पाक करत ठेवावा. पाक दोन तारी झाला की त्यात किसलेले सफरचंद घालून मंद आचेवर ढवळत राहावे. मिश्रण घट्ट झाले की त्यात खवा घालून मंद आचेवर सारखे ढवळत राहावे. मिश्रण चांगले झाले की वेलचीची पूड, बदामाचे काप करुन घालावे. मिश्रण चांगले घट्ट झाले की खाली उतरावे. खायला देताना पिस्त्याचे काप, चारोळी घालून द्यावे.

मैसूर पाक

साहित्य :

200 ग्रॅम बेसन, 200 ग्रॅम साखर, 350 ग्रॅम तूप. कृती : बेसन आणि चार मोठे चमचे तूप मिसळावे आणि त्याला चांगल्याप्रकारे परतावे. खाली काढून वेगळे ठेवावे. साखरेत एक कप पाणी टाकून पातळ चाशनी बनवावी. साखरेची चाशनी तयार झाल्यानंतर कमी आच करून थोडे भाजलेले बेसन मिसळून सारखे हालवावे. ह्याच प्रकारे सर्व बेसन संपेपर्यंत हिच प्रक्रिया करावी. नंतर मिश्रणाला हालवत थोडे-थोडे करून सर्व तूप टाकून द्यावे. आंचेवरून काढून तूप लावलेल्या ट्रेमध्ये टाकावे आणि त्याला समातलं करावे. मिश्रण थंडे झाल्यावर मनासारख्या आकारात कापावे. जास्तीचे तूप वेगळे करून घ्यावे.